Explòra lo relèu 3D e las prigondors oceanicas, inversa los itineraris e aficha los poligòns importats e las sagetas de direccion de las traças. Sus Android : instruccions detalhadas de transpòrt public, un afichatge novèl de la velocitat e un widget d’enregistrament de traças. Totes los melhoraments son çai-jos.
Telecarga Organic Maps sus get.omaps.org e fai córrer la novèla. Mercés a totes nòstres utilizaires, contributors, donators e sostens!
Nòtas de version
Mapa e luòcs
- NOVETAT! Relèu 3D, prigondors oceanicas, corbas de nivèl en mètres e pès e altitud en tot punt de la mapa (Viktor Govako, Alexander Borsuk)
- Donadas d’OpenStreetMap al 10 de novembre de 2026
- Articles de Wikipedia al 1èr de novembre de 2026
- Colors de l’aiga melhoradas, rius alargats e contorns discrets aponduts als noms dels plans d’aiga (David Martinez, Viktor Govako)
- Afichatge melhorat dels rius intermitents, canals, valats de drenatge e autres corses d’aiga (Alexander Borsuk)
- Contorns de ponts aponduts pels tramvias, monoralhs, funiculars e camins de fèrre de via estrecha (Alexander Borsuk)
- Aponduts barbièrs, estudiós de Pilates, installadors de fenèstras, installacions d’aiga e sèrvas cobèrtas (Viktor Govako)
- Correccion dels traucs dins las zònas emplenadas, dont l’aiga absenta prèp de l’Artic (Viktor Govako)
- Transliteracion corregida (Alexander Borsuk)
- Performàncias melhoradas e utilizacion de memòria redusida (Viktor Govako)
- Correccion d’un plantatge e d’errors d’afichatge al cambiament d’estil de mapa (Mikhail Listratsenka)
- Limits de las regions de telecargament corregits (Viktor Govako, Alexander Borsuk)
- Las suggestions de recèrca gardan l’ortografia, los accents e las majusculas d’origina (Alexander Borsuk)
- Retirats los salons de beutat sens rapòrt amb las recèrcas de perruquièrs e barbièrs (Viktor Govako)
Marcadors, traças e poligòns
- NOVETAT! Impòrta e aficha de poligòns KML, KMZ e GeoJSON amb contorns colorats, emplenaments e traucs (Alexander Borsuk, Viktor Govako)
- Sagetas de direccion apondudas a las traças (Alexander Borsuk)
- Las traças seleccionadas son ara mesas en evidéncia (Alexander Borsuk)
- Dobrir una traça dempuèi una lista selecciona son començament (Alexander Borsuk)
- Los noms dels marcadors e de las traças son triats segon ta lenga (Alexander Borsuk)
- Los noms, descripcions e imatges de las listas de marcadors son actualizats aprèp recargament (Kiryl Kaveryn, Alexander Borsuk)
- Los itineraris KML salvats gardan las paradas intermediàrias e lo mòde de desplaçament. Los expòrts GPX e GeoJSON inclòdon las paradas coma punts de passatge (Alexander Borsuk)
- Correccion de plantatges en suprimir de traças modificadas o en tornar a un dialòg de supression dobèrt (Viktor Govako)
- Las traças en cors d’enregistrament son salvadas cada minuta per las recuperar aprèp un plantatge (Viktor Govako)
- Correccion de mapas comptadas mai d’un còp e de talhas de telecargament exageradas dins los resumits de mesa a jorn (Alexander Borsuk)
Itineraris e navigacion
- NOVETAT! Paramètres d’evitament separats pels itineraris en veitura, en bicicleta e a pè (Alexander Borsuk, Mikhail Listratsenka)
- Icònas dels punts d’itinerari ligadas e etiquetas «Apondre una destinacion» clarificadas sus Android e iOS (Kiryl Kaveryn, Mikhail Listratsenka)
- Pòdes apondre de destinacions quitament se lo calcul de l’itinerari fracassa (Kiryl Kaveryn)
- Algoritme de calcul d’itineraris melhorat (Viktor Govako)
- Recalcul dels itineraris melhorat (Alexander Borsuk)
- Correccion de duradas d’itinerari diferentas sus la mapa e dins lo panèl d’informacion (Alexander Borsuk)
- Correccion d’avertiments de radar despassats e de retards de mesa a jorn dels limits de velocitat (Alexander Borsuk)
- Correccion de problèmas amb los itineraris salvats (Alexander Borsuk)
- Restabliment dels itineraris melhorat (Alexander Borsuk, Mikhail Listratsenka)
- Estimacions d’arribada del transpòrt public, correspondéncias a pè e marcas d’entradas d’estacions melhoradas (Alexander Borsuk)
Editor d’OpenStreetMap
- Recèrca de categorias melhorada (Alexander Borsuk)
- Los noms de cosinas son triats segon ta lenga (Alexander Borsuk)
- Triada de las categorias corregida (Alexander Borsuk)
Traduccions
- Galés apondut : interfàcia, tipes de luòcs, categorias de recèrca e noms de regions de telecargament (Carl Morris, Alexander Borsuk)
- Opcions de lenga del sistèma apondudas : Android (asturian, galèc, croat, armèni, islandés, lao e albanés) e iOS (asturian, francés canadian, galèc, croat e islandés) (Alexander Borsuk)
- Categorias de recèrca en eslovèn corregidas (Alexander Borsuk)
- Traduccions ucraïnianas, chècas, suedèsas e coreanas melhoradas ; formulacions e grafias de marcas corregidas dins d’autras lengas (Nnifria, Alexander Borsuk, bilykralik16, Jonatan Nyberg, Dmitry Gribenchuk, M)
- Unitats de distància e de durada e etiquetas dels cais de transpòrt public corregidas (Alexander Borsuk)
- Instruccions vocalas en arabi e chèc melhoradas ; distàncias de navigacion en catalan, danés e galèc corregidas (Alexander Borsuk, Anquanna)
- Noms de luòcs en norvegian bokmål e mandadís dels noms modificats corregits (Alexander Borsuk)
- Los ligams de la pagina «A prepaus» dobrisson los grops dins la bona lenga (Alexander Borsuk)
iOS
- NOVETAT! Boton apondut per inversar los itineraris amb totas las paradas (Kiryl Kaveryn)
- Suprimís quin punt que siá del planificador, dont lo començament e la destinacion (Kiryl Kaveryn)
- Triada de las votzes de navigacion melhorada e frasas d’apercebut mancantas apondudas (Alexander Borsuk, Kiryl Kaveryn)
- Legibilitat melhorada en mòde escur per las distàncias de la règla e las etiquetas dels punts d’itinerari quichadas (Alexander Borsuk)
- Apercebuts de transpòrt public melhorats : mai de simbòls, colors de linhas mai claras, numèros sus mantuna linha e melhor disposicion de drecha a esquèrra (Alexander Borsuk, Kiryl Kaveryn)
- Boton de la bossòla corregit dins las disposicions de drecha a esquèrra (Kiryl Kaveryn)
- Correccion de fichas de luòcs que demoravan dobèrtas aprèp barradura, se desplaçavan pendent un liscar o desapareissián en dobrissent un autre ligam de mapa (Kiryl Kaveryn)
- Correccion d’un plantatge quand los telecargaments de mapas actualizan las fichas de luòcs abans la fin de lor cargament (Kiryl Kaveryn)
- Accion principala mesa en evidéncia dins las fichas de luòcs (Kiryl Kaveryn)
- Ligams dels menús e paramètres corregits, dont lo desfilament cap a las opcions e lor mesa en evidéncia (Kiryl Kaveryn)
- Botons de confirmacion corregits amb de tèxte grand al primièr lançament de la navigacion (Kiryl Kaveryn)
- Remplaçament de punts al limit de paradas e etiquetas de remplaçament de traças salvadas corregits (Kiryl Kaveryn)
- Perfils d’altitud corregits al retorn a la mapa, a la seleccion del començament d’una traça e dins las seccions planas o zoomadas (Kiryl Kaveryn)
- Las listas de marcadors CarPlay s’actualizan aprèp modificacion e recargament, afichan totes los elements que i cabon e gerisson las entradas suprimidas (Kiryl Kaveryn, Alexander Borsuk)
- Correccion de l’indicador dels paramètres d’itinerari copat dins los apercebuts (Kiryl Kaveryn)
- Anullacion, novèls ensages e represa dels telecargaments melhoradas, tanben en rèireplan (Viktor Govako)
Android
- NOVETAT! Afichatge novèl de la velocitat e de son limit, tanben dins Android Auto (Andrei Shkrob)
- NOVETAT! Instruccions de transpòrt public en ecran complet : paradas de montada, correspondéncias, sortidas e listas desplegablas de paradas intermediàrias (Paal Williams)
- NOVETAT! Widget d’ecran d’acuèlh per començar l’enregistrament d’una traça e afichar temps passat, distància e altitud (Mikhail Listratsenka)
- NOVETAT! Boton apondut per inversar los itineraris amb totas las paradas (Mikhail Listratsenka)
- NOVETAT! Afichatge e enregistrament de l’altitud al respècte del nivèl mejan de la mar (MSL) (Alexander Borsuk)
- Rapèl unic apondut per verificar las restriccions de batariá al començament d’un enregistrament de traça, amb un acorchi cap als paramètres del sistèma. Veire https://dontkillmyapp.com (Harsh Mishra, Alexander Borsuk)
- Suprimís quin punt que siá del planificador, dont lo començament e la destinacion (Mikhail Listratsenka)
- Problèmas d’interfàcia corregits e accion principala d’itinerari mesa en evidéncia dins las fichas de luòcs (Mikhail Listratsenka)
- Plantatges d’Android Auto corregits (Andrei Shkrob, Mikhail Listratsenka)
- Los resultats per categoria s’escafan quand quichas tornamai sus «Recercar» o arrèstas la navigacion (Mikhail Listratsenka)
- Las icònas dels dorsièrs de païses dobrisson lors regions ; los ancians resultats de recèrca remplaçan pas pus los dorsièrs dobèrts (Mikhail Listratsenka)
- «Salvagarda dels marcadors e traças» aponduda als paramètres de confidencialitat e dobrís los paramètres de salvagarda d’Android (Mikhail Listratsenka)
- Legibilitat de las descripcions de marcadors e de traças melhorada dins los tèmas clar e escur (Mikhail Listratsenka)
- Modificacion dels oraris d’obertura que cobrisson 24 oras corregida (Alexander Borsuk)
- Oras d’arribada corregidas als cambiaments d’ora d’estiu (Alexander Borsuk)
- Plantatges de l’editor corregits quand se quicha dos còps sus las opcions de carrièra o de liure servici (Kevin Coughlin)
- Correccion de plantatges e d’importacions incompletas de fichièrs de marcadors absents o pas preses en carga partejats per d’autras aplicacions (Darafei Praliaskouski)
- Errors d’afichatge e plantatges Vulkan corregits al cambiament de contèxte grafic (Alexander Borsuk)
Escriptòri
- Interfàcia e tipes de luòcs tradusits ; lenga de replec e disposicion de drecha a esquèrra melhoradas (Alexander Borsuk)
- Ligams e apercebuts de descripcions amb de tèxte non latin corregits dins las fichas de luòcs (Alexander Borsuk)
- Salvament de las causidas de cosina e supression de luòcs corregits dins l’editor d’OpenStreetMap (Alexander Borsuk)
- Correccion d’un plantatge en barrar la fenèstra de telecargament de mapas pendent una recèrca (Alexander Borsuk)
- Afichatge de la mapa corregit al redimensionament de la fenèstra (Alexander Borsuk)
- Actualizacions de posicion melhoradas e boton «Ma posicion» corregit aprèp d’errors de localizacion (Alexander Borsuk, Vladislav Shadiuk)
Ensaja las novetats e ajuda a las testar sus https://beta.omaps.app.
Mercés d’utilizar e de sosténer Organic Maps!
Ta equipa Organic Maps