Questions Frequentas • App • Edicion de la mapa • Instruccions de votz • Linux • Mapa • Marcapàginas e traças

L'aplicacion tròba pas ma posicion sus la mapa o mòstra un emplaçament incorrècte

Assegura-te que ton aparelh aja lo GPS, que los servicis de localizacion sián activats, e que las autorizacions de localizacion sián donadas a Organic Maps.

Android

Sus ton aparelh, dobrís Paramètres → Localizacion. Val mai activar lo mòde Nauta precision, pr'amor qu'activa la localizacion GPS precisa.

Se ton aparelh Android pòt pas determinar ta localizacion, activa (o desactiva, s'es activat) l'opcion « Servicis Google Play » dins los paramètres de l'aplicacion.

Nòta: o pòdes veire solament s'as los servicis Google Play installats (activats) sus ton aparelh Android. Los servicis Google Play son utilizats per determinar la localizacion mai precisament. S'encontras de problèmas de precision de localizacion après aver desactivat l'opcion, torna-la activar.

iOS

S'utilizas un iPhone o un iPad, verifica los paramètres d'iOS → Confidencialitat → Servicis de localizacion. Lo partiment de las donadas de geolocalizacion deu èsser activat per Organic Maps.

Un emplaçament incorrècte es mostrat sus la mapa

1. Se i a un grand cercle semitransparent a l'entorn de ta flècha de localizacion sus la mapa, aquò significa que ta posicion es determinada amb una precision febla, en utilizant una connexion WiFi o cellulara. Assegura-te qu'as activat la precision de localizacion «Precisa» per Organic Maps dins los paramètres del sistèma, e ensaja d'anar defòra, luènh dels grands bastiments e dels arbres, per melhorar la recepcion del senhal GPS per satellit.

2. Se ta posicion es determinada d'un biais incorrècte (per exemple, siás dins una vila, mas l'aplicacion mòstra una autra vila), siás fòrça probablament dins una zòna afectada per un fals senhal GPS (usurpacion GPS) a causa de mesuras de guèrra electronica (EW). Dins tals cases, la sola solucion es de se desplaçar cap a un autre emplaçament.

Nòtas:

• Per evitar de donadas non desiradas pendent l'itinerància, pòdes atudar totas las donadas mobilas, activar lo mòde avion o desactivar las donadas mobilas per Organic Maps dins los paramètres de ton aparelh. Los aparelhs Android e iOS pòdon utilizar lo GPS en mòde avion.

• Cèrts aparelhs mobils an pas de recepteires GPS integrats, coma l'iPod Touch, l'iPad Wi-Fi solament, l'Amazon Kindle Fire/Kindle Fire HD 7, e d'unas tauletas Android. Sus aquestes aparelhs, totas las aplicacions mostraràn ta localizacion aproximativa detectada en utilizant un malhum Wi-Fi, tant que siás connectat a Internet.

• La deteccion de la localizacion amb los satellits GPS (quand lo Wi-Fi e los Malhums Mobils son desactivats) pòt prene un cèrt temps. Quant mai de temps lo GPS es pas estat utilizat, tant mai de temps cal. La velocitat de la deteccion de la posicion depend de l'aparelh, pas de l'aplicacion. Lo foncionament del GPS es tanben influenciat pel temps – fonciona melhor a l'exterior quand lo cèl es clar. De problèmas pòdon aparéisser quand ensajas de te localizar a l'interior, dins una carrièra estrecha, o quand condusès una veitura, amb fòrça metal a l'entorn o amb un metal/magnet sus la caissa de l'aparelh.