Cossí utilizi la version flatpak de l'aplicacion?
Per installar OM sus Linux amb flatpak, dobrís lo terminal e pica flatpak install flathub app.organicmaps.desktop
Un còp l'aplicacion installada, pòdes utilizar la ròda de desfilament de ta mirga o las comandas de la barra de menú de drecha per far un zoom sus la zòna que vòles navegar per telecargar las cartas d'aquela zòna. Pòdes tanben clicar sus l'icòna «telecargar» en bas a drecha. Un còp qu'as telecargat de mapas per las regions que t'interèssan, l'aplicacion deuriá foncionar quitament sens connexion a Internet.
Pòdes pausar lo curseur de ton mirga sus las divèrsas icònas per veire de tèxtes d'ajuda.
Per far un itinerari e una navigacion pas a pas, as un parelh d'opcions. Se coneisses las coordenadas GPS de tos punts de partença e d'arribada, pòdes clicar sus l'icòna dels paramètres (en dessús de la marca de validacion verda) e sasir las coordenadas de ton punt de partença e de ta destinacion. Per definir lo punt de partença sus la mapa, clica sus l'icòna de navigacion e selecciona «punt de partença», puèi manten la tòca Maj e clica amb lo boton esquèrre de la mirga sus la mapa. Per definir la destinacion, cambia per «punt d'arribada» e clica sus un luòc sus la mapa.
Pòdes clicar sus l'icòna blava just en dessús de l'icòna de las paramètres per escafar la navigacion.
Per cercar d'adreças e de destinacions, clica sul lupa e pica l'adreça o lo tèrme de recèrca.
Per apondre un punt de passatge a una localizacion, manten la tòca Alt quichada e clica amb lo boton drech de la mirga sul luòc que vòles apondre. Lo marcador pòt èsser pas immediatament visible, per veire e gerir los marcaires cal clicar sus l'icòna de l'estela roja.
L'aplicacion de burèu Linux es principalament utilizada per de fins de desvolopament (tèst automatizat e verificacion de la logica sens aver de compilar per mobil). Totes los benevòls que vòlon melhorar l'usabilitat de la version Linux son los benvenguts!