Cossí utilizi la version flatpak de l'aplicacion?
Per installar OM sus Linux amb flatpak, dobrissètz lo terminal e picatz flatpak install flathub app.organicmaps.desktop
Un còp l'aplicacion installada, podètz utilizar la ròda de desfilament de vòstra mirga o las comandas de la barra de menú de drecha per far un zoom sus la zòna que volètz navegar per telecargar las cartas d'aquela zòna. Podètz tanben clicar sus l'icòna "telecargar" en bas a drecha. Un còp qu'avètz telecargat de mapas per las regions que vos interèssan, l'aplicacion deuriá foncionar quitament sens connexion a Internet.
Podètz pausar lo curseur de vòstre mirga sus las divèrsas icònas per veire de tèxtes d'ajuda.
Per far un itinerari e una navigacion pas a pas, avètz un parelh d'opcions. Se coneissètz las coordenadas GPS de vòstres punts de partença e d'arribada, podètz clicar sus l'icòna dels paramètres (en dessús de la marca de validacion verda) e sasir las coordenadas de vòstre punt de partença e de vòstra destinacion. Per definir lo punt de partença sus la mapa, clicatz sus l'icòna de navigacion e seleccionatz "punt de partença", puèi mantenètz la tòca Maj e clicatz amb lo boton esquèrre de la mirga sus la mapa. Per definir la destinacion, cambiatz per "punt d'arribada" e clicatz sus un luòc sus la mapa.
Podètz clicar sus l'icòna blava just en dessús de l'icòna de las paramètres per escafar la navigacion.
Per cercar d'adreças e de destinacions, clicatz sul lupa e picatz l'adreça o lo tèrme de recèrca.
Per apondre un punt de passatge a una localizacion, mantenètz la tòca Alt quichada e clicatz amb lo boton drech de la mirga sul luòc que volètz apondre. Lo marcador pòt èsser pas immediatament visible, per veire e gerir los marcaires cal clicar sus l'icòna de l'estela roja.
L'aplicacion de burèu Linux es principalament utilizada per de fins de desvolopament (tèst automatizat e verificacion de la logica sens aver de compilar per mobil). Totes los benevòls que vòlon melhorar l'usabilitat de la version Linux son los benvenguts!