Melhora edicion de pistas e fòrça amelhoraments e correccions dins la mesa a jorn Organic Maps de julh 2025
July 14, 2025
Descobrís la mesa a jorn de julh d'Organic Maps amb fòrça correccions e amelhoraments, mercé a nòstres contributors ❤️💪! La mesa a jorn es ja disponibla sus l'AppStore, Obtainium e Accrescent, e serà prèsta sus Google Play, Huawei AppGallery, e FDroid dins qualques jorns.
Tos dons e ton sosteniment, tos rapòrts de bugs e tos amelhoraments nos ajudan a crear de melhores mapas ensemble!
Oblides pas que pòdes t'inscriure al programa de tèst beta per aver un accès anticipat a las foncionalitats experimentalas e a venir per iOS e per Android.
La lista completa dels cambiaments:
- Nòvas donadas de mapas OSM al 8 de julh, donadas Wikipedia al 1èr de julh
- Recèrca melhorada per la lenga araba (Omar Mostafa)
- Afichatge de zonas de camping e de stations balneàrias, veire las zonas industrialas mai lèu (Viktor Govako)
- Ignorar pas las rutas secondàrias als ròtols (Viktor Govako)
- Zoom melhorat sus una pista seleccionada (Kiryl Kaveryn)
- Nòva icòna Marcapaginas e Pistas sus la mapa per ajudar los utilizaires a trobar lor pistas enregistradas o importadas (@euf)
- Las estacions de cargament an ara lor pròpria icòna distinctiva sus la mapa e dins la recèrca (David Martinez)
- Salvar elevacion/altitud (se es presenta) quand se salva un itinerari (Kiryl Kaveryn)
- Traduccions mesas a jorn, pòdes ajudar a corregir las traduccions incorrèctas o mancantes sus Weblate
Android:
- Correccions del boton Tornar que foncionava pas sus Android 16 (Andrei Shkrob)
- Utilizar lo tèma de mapa clar per defaut amb lo tèma escur quand la navigacion es activa (Viktor Govako)
- Correccions de las modificacions OSM duplicadas (Alexander Borsuk)
- Afichar corrèctament totes los resultats de recèrca sus la mapa (Viktor Govako)
- Correccions de la mesa en pagina incorrècta de l'interfàcia utilizaire sus qualques aparelhs (Sergiy Kozyr)
- Afichar la connexion e lo senhal OSM se la connexion del navegador fracassa/es pas disponibla (Sergiy Kozyr)
- Correccions del saut de reticul quand s'ajustan objèctes a OpenStreetMap (@hemanggs)
- Correccions del boton «Tornar ensajar lo telecargament fracassat» (Kavi Khalique)
- Correccions de l'ecran d'aviada que se superpòne als botons del sistèma (Vraj Shah)
- Correccions de qualques plantatges (Devarsh Vasani)
- Correccions de l'error EACCESS PermissionDenied quand s'importan KML o GPX sus Android 5 (Alexander Borsuk)
Cambiaments iOS, totes los merits a Kiryl Kaveryn:
- Edicion melhorada de marcapaginas e pistas: cambiar la color e la lista dirèctament dempuèi la Pagina d'Informacion de la Pista
- Ara pòdes editar o suprimir la pista enregistrada immediatament aprèp l'aver salvada
- Zona de tocar espandida pels botons
- Correccions de las nòtas OSM que sautavan quand se picava de tèxte
- Afichar lo boton «Ajustar un Luòc» per las entrepresas
P.S. Se t'agrada legir de nòtas de version detalhadas, fai-nos-o saber sus nòstras rets socialas
