Questions Frequentas • App • Edicion de la mapa • Instruccions de votz • Linux • Mapa • Marcapàginas e traças

Cossí importar de marcapàginas e de traças dins los formats KML, KMZ, KMB o GPX, GeoJSON (JSON)?

Pòdes importar de marcapaginas mandats dempuèi Organic Maps o d'aplicacions de tèrças partidas s'exportan de marcapaginas dins los formats KML, KMZ, KMB, GPX, GeoJSON (JSON).

Per importar un fichièr unic:

1. Localiza lo fichièr partejat KML, KMZ, KMB, GPX, GeoJSON (JSON) amb de marcapaginas mandat per corrièl, messatgièr instantanèu o servici d'estocatge en nívol, per exemple, iCloud o Google Drive.
2. Tusta un còp o manten lo det sul fichièr KML, KMZ, KMB, GPX, GeoJSON (JSON) amb los punts d'interès e causís « Dobrir amb Organic Maps » (Android) o « Importar amb Organic Maps » (iOS) dins la fenèstra emergenta.
3. Se dobrirà amb Organic Maps e veiràs « Punts d'interès cargats corrèctament ! ». Los pòdes trobar sus la mapa o dins l'ecran del Menú de punts d'interès.

Es tanben possible d'importar de marcapaginas e de traças en gròp :

1. Dobrís Organic Maps e pica sul boton de l'estela per dobrir la lista dels marcapaginas e de las traças. Pica sul boton « Importar los marcapaginas e las traças ».
2. Selecciona un dorsièr amb de fichièrs KML, KMZ, KMB, GPX, GeoJSON (JSON). Organic Maps l'escanejarà, inclusent los sosdorsièrs, e importarà totes los fichièrs compatibles amb de marcapaginas e de traças. Pòdes causir lo dorsièr rasiga per cercar dins tot l'espaci d'estocatge.