Cossí pòdi far una edicion de mapa mai avançada?
Organic Maps inclutz un editor simple e aisit d'utilizar que pòdes emplegar per modificar la mapa. L'editor es, pasmens, limitat e permet solament d'apondre d'entitats pontualas simplas, çò que significa pas de contorns de bastiments, de rotas, de lacs, de vilas, etc. Se vòles cambiar quicòm que se pòt pas modificar amb l'editor integrat, es la bona pagina de las FAQ de legir.
Coma totas las donadas cartograficas utilizadas dins Organic Maps venon de OpenStreetMap.org (OSM), pòdes metre a jorn dirèctament la mapa ailà. Tas modificacions seràn puèi inclusas dins Organic Maps amb la mesa a jorn cartografica seguenta.
Editors d'OpenStreetMap
Per editar OSM, i a plusors opcions. S'as un ordenador portable o de burèu a portada de man, val mai utilizar l'ID Editor que fonciona dins ton navigator. L'ID Editor es aisit pels debutants, e un ecran mai grand, una mirga e un clavièr facilitan l'edicion de la mapa.
Per l'edicion avançada de mapas dempuèi un aparelh mobil, utiliza Go Map per iOS o Vespucci per Android. Go Map es aisit pels debutants, mentre que Vespucci s'adreça a d'utilizaires mai avançats. LearnOSM provesís de tutorials per Go Map e Vespucci.
Per de modificacions mai simplas e mai ludicas, pòdes tanben ensajar l'aplicacion Every Door per iOS e Android e l'aplicacion StreetComplete per Android.
ID Editor
Per modificar OpenStreetMap amb l'ID Editor, seguís aquestas estapas:
- Crèa un compte novèl o connècta-te sus OpenStreetMap.org
- Vai a l'endrech que vòles modificar sus OpenStreetMap.org e clica sus Modificar en naut de la pagina
- Avia lo tutorial e seguís lo tutorial cort qu'explica l'ID Editor
- Modificar la mapa
- Enregistrar tas modificacions
Aquò's tot, fas ara partida de la comunautat OSM.
Qué se passa amb mas modificacions ?
Un còp que cliques sus Enregistrar, tas modificacions son apondudas instantanèament a la basa de donadas publica d'OSM. Doncas, siás prudent quand modifiques. Dins Organic Maps, tas modificacions seràn visiblas après la mesa a jorn mensuala de la mapa seguenta.
Ton e-mail es pas publicat, mas d'autras personas poiràn veire ton nom d'utilizaire OSM. Coma OSM ofrís la possibilitat de discutir dels cambiaments, pòdes recebre de questions sus tas modificacions de la part d'autres contribuïdors OSM. Seràs notificat d'aquò per l'adreça e-mail qu'as utilizada per enregistrar ton compte OSM. Coma OSM es un projècte comunautari que se basa sus la collaboracion, deuriás totjorn respondre a aquestas questions.
Comunautat e Wikí
OpenStreetMap es una comunautat. S'as besonh d'ajuda o de questions, las pòdes pausar sul Fòrum OSM o consultar la documentacion del Wikí OSM.
Etiquetas - Cossí fonciona lo modèl de donadas d'OSM
La basa de donadas d'OpenStreetMap conten d'Objèctes coma de Nòuds, de Traçats, de Zònas e de Relacions que son d'abstraccions de las caracteristicas del mond real. Aquestes Objèctes an d'Attributs, nomenats Etiquetas, per los descriure mai precisament. Una Etiqueta es una combinason Clau-Valor.
Coma aquò sembla mai complicat qu'es, donarem un exemple :
Un restaurant es, per exemple, cartografiat coma un Nòde o una Zòna amb l'etiqueta amenity=restaurant. D'autras etiquetas coma cuisine=* o opening_hours=* se pòdon puèi utilizar per mai de detalhs.
Nòta que l'ID editor amaga l'estructura de donadas intèrna als utilizaires per èsser mai accessible als debutants. Mas per legir la documentacion del Wiki, un apercebut brèu de l'estructura de donadas es util. Dins l'ID Editor, pòdes veire los Tags que l'ID t'amaga en desrotlant la seccion Tags dins lo panèl lateral Modificar l'element.
Nòtas OSM
S'as pas lo temps o se lo problèma es tròp complicat per modificar tu-meteis las donadas OSM, las Nòtas OSM (Wiki) son la solucion. Pòdes plaçar una tala nòta a l'endrech de l'error de la mapa e descriure lo problèma en detalh. D'autres benevòls d'OSM pòdon alara ajudar e resòlver lo problèma. Recebràs de notificacions per corrièl via ton compte OSM se an mai de questions o se la Nòta OSM es resolguda.
- Crèa un compte novèl o connècta-te sus OpenStreetMap.org
Pòdes tanben dobrir de Nòtas anonimas, mas aquò es pas recomandat perque seràs pas notificat quand lo problèma es resolgut o se i a mai de questions.
- Fai un zoom sus l'emplaçament de la mapa sus OpenStreetMap.org e clica sus Ajustar una nòta a la mapa (segonda icòna dempuèi lo bas dins lo menú de drecha). Puèi, trenha lo marcador blau de la mapa fins a l'emplaçament exacte.
Ensaja d'èsser tan precís coma possible.
- Dona una descripcion detalhada del problèma de la mapa e clica sus Ajustar una nòta
Per las botigas, per exemple, dona lo nom e menciona çò que s'i vend o los servicis prepausats.