Cossí pòdi editar la mapa dins Organic Maps?
Amb Organic Maps, pòdes aisidament apondre los endreches mancants a la mapa, apondre de detalhs suplementaris coma los oraris d'obertura, o corregir las entradas erronèas. En fasent aquò, melhoras las donadas de la mapa per totes los utilizaires.
Coma OpenStreetMap(OSM) es la font principala de donadas cartograficas dins Organic Maps, las modificacions que fas son mandadas a OSM. OSM es un projècte comunautari per bastir una mapa liura e dobèrta. Fonciona d'un biais similar a Wikipèdia, doncas tot çò que modifiques ven disponible per de milions d'utilizaires dins lo mond entièr. Rejonh la comunautat e ajuda a far una mapa melhora per totes!
Per editar OpenStreetMap dempuèi ta aplicacion Organic Maps:
- Crèa un compte sus OpenStreetMap.org
- Connècta-te a ton compte dins Organic Maps (icòna de las tres barras -> parametres -> OpenStreetMap-Perfil)
- Ara pòdes modificar los luòcs existents o n'apondre de nòus
- Modificar un luòc existent
- selecciona lo luòc en tocant l'icòna de la mapa
- toca modificar lo luòc
- Apondre d'informacions suplementàrias
- Enregistra tas modificacions e sortís en utilizant la flècha de validacion
- Apondre un luòc a la mapa
- icòna de las tres barras -> Apondre un luòc a OpenStreetMap
- Selecciona l'emplaçament tan precisament coma pòdes e pica sus la flècha de validacion
- Selecciona una categoria
Tròbas pas una categoria que conven? Alara, crèa una Nòta OSM.
- Apond d'informacions suplementàrias coma lo nom, los oraris d'obertura e lo sit web
- Enregistra tas modificacions e sortís en utilizant la flècha de validacion
- Modificar un luòc existent
Nòta que l'editor es concebut coma un simple editor de Punts d'Interès (POI) e, per consequent, limitat als POI. Pòdes pas, per exemple, apondre de rotas, de lacs, de contorns de bastiments, etc. De mai, es pas possible de desplaçar los luòcs a una novèla localizacion. Se pòdes pas editar quicòm amb Organic Maps, consulta la pagina Edicion de mapa mai avançada.