F.A.Q. • App • Edicion de la mapa • Instruccions de votz • Linux • Mapa • Marcapàginas e traças

Cossí pòdi editar la mapa dins Organic Maps?

Amb Organic Maps, podètz aisidament apondre los endreches mancants a la mapa, apondre de detalhs suplementaris coma los oraris d'obertura, o corregir las entradas erronèas. En fasent aquò, melhoratz las donadas de la mapa per totes los utilizaires.

Coma OpenStreetMap(OSM) es la font principala de donadas cartograficas dins Organic Maps, las modificacions que fasètz son mandadas a OSM. OSM es un projècte comunautari per bastir una mapa liura e dobèrta. Fonciona d'un biais similar a Wikipèdia, doncas tot çò que modificatz ven disponible per de milions d'utilizaires dins lo mond entièr. Rejonhètz la comunautat e ajudatz a far una mapa melhora per totes!

Per editar OpenStreetMap dempuèi vòstra aplicacion Organic Maps:

  1. Creatz un compte sus OpenStreetMap.org
  2. Connectatz-vos a vòstre compte dins Organic Maps (icòna de las tres barras -> parametres -> OpenStreetMap-Perfil)
  3. Ara podètz modificar los luòcs existents o n'apondre de nòus
    • Modificar un luòc existent
      • seleccionatz lo luòc en tocant l'icòna de la mapa
      • tocatz modificar lo luòc
      • Apondre d'informacions suplementàrias
      • Enregistratz vòstras modificacions e sortissètz en utilizant la flècha de validacion
    • Apondre un luòc a la mapa
      • icòna de las tres barras -> Apondre un luòc a OpenStreetMap
      • Seleccionatz l'emplaçament tan precisament coma podètz e picatz sus la flècha de validacion
      • Seleccionatz una categoria

        Trobatz pas una categoria que conven? Alara, creatz una Nòta OSM.

      • Apondètz d'informacions suplementàrias coma lo nom, los oraris d'obertura e lo sit web
      • Enregistratz vòstras modificacions e sortissètz en utilizant la flècha de validacion

Notatz que l'editor es concebut coma un simple editor de Punts d'Interès (POI) e, per consequent, limitat als POI. Podètz pas, per exemple, apondre de rotas, de lacs, de contorns de bastiments, etc. De mai, es pas possible de desplaçar los luòcs a una novèla localizacion. Se podètz pas editar quicòm amb Organic Maps, consultatz la pagina Edicion de mapa mai avançada.