Aquesta version d'abril, en mai de fòrça correccions de bògues e melhoraments, es bastida a l'entorn de tres veritats simplas : los randonaires vòlon saber quant van montar, tot lo monde vòl que la recèrca d'adreça foncione simplament, e degun deu pas aver l'impression de tombar del bòrd de la mapa. Gràcias a nòstres contributors, a vòstras bonas criticas, a las donacions e al sosten, avèm reglat aquelas tres causas — e fòrça mai encara.

Que la prima vos menèsse sus de senderòls novèls o que l'auton dins l'emisfèri sud vos apèle per una darrièra longa virada, esperam qu'aquesta mesa a jorn rendrà vòstre pròche viatge un pauc mai aisit e fòrça mai bèl.

Obtenètz la mesa a jorn d'abril sus https://get.omaps.org o sus App Store, Google Play, Huawei AppGallery, Obtainium, Accrescent, e F-Droid.

Punts forts

• Tocatz un senderòl, vejatz la montada. Los itineraris de randonada e de ciclisme pòdon ara èsser seleccionats dirèctament sus la mapa. Tocatz un itinerari per lo metre en evidéncia e veire instantanèament son perfil d'altitud.
• Dos milions d'adreças estatsunidencas de mai e una recèrca mai intelligenta. Mai d'adreças, analizadas a partir del jòc de donadas del TIGER Census, son ara dins l'aplicacion. En mai d'una melhora correspondéncia dels numèros d'ostal, aquò melhora los resultats de recèrca pertot. Oblidetz pas qu'apondre d'adreças mancantas a OpenStreetMap es totjorn lo melhor biais de melhorar la recèrca.
• Una mapa sens bòrds. Organic Maps passa ara en doçor per l'antimeridian (±180° de longitud). Fasètz lisar e pivotar la mapa entre Chukotka e Alaska, o entre Nòva Zelanda e Fiji, sens murs invisibles ni retorns brutals — lo Pacific sembla enfin redond.
• Tornar colorar tota una categoria d'un còp. Cambiatz la color de totas las marcas e/o traças d'una categoria d'un sol tòc — un pichon detalh que transforma los archius desordonats de vòstres viatges de l'estiu passat en quicòm que volètz vertadièrament tornar dobrir.

Nòtas de version

Totas las plataformas

• NOVÈL ! Melhor recèrca als Estats Units, amb dos milions d'adreças suplementàrias analizadas a partir de las donadas del TIGER Census (Viktor Govako)
• NOVÈL ! Rendut multicolor melhorat pels itineraris de randonada e de ciclisme ; tocatz un itinerari per lo seleccionar e afichar son perfil d'altitud (Viktor Govako)
• Donadas OpenStreetMap mesas a jorn al 4 d'abril
• Donadas Wikipedia mesas a jorn al 1èr d'abril
• Ajustament de l'aproximacion del ganh e de la pèrda d'altitud suls grafics de traças per melhor correspondre a las valors afichadas dins d'autras aplicacions (Viktor Govako)
• Podètz ara apondre un luòc novèl a OpenStreetMap aprèp aver seleccionat vòstra posicion actuala sus la mapa (Mikhail Listratsenka)
• Apond d'icònas per las airas de restauracion e las pòrtas de vila (David Martinez)
• Apond de sos-categorias pels magasins de vestits : femnas, òmes, mainatges, nòvias, espòrt e sosvestits, e tanben de tipes de burèu (Viktor Govako)
• Mesa a jorn de las categorias de recèrca : apond « Bread » pels forns, « Shawarma » coma cosina, e d'autras melhoras de sinonims (Viktor Govako)
• La mapa passa ara corrèctament per l'antimeridian (±180° de longitud) pendent lo desplaçament e la rotacion (Alexander Borsuk, Viktor Govako)
• La navigacion ciclista utiliza ara lo cap de la bossòla a bassa velocitat (HossamSaberr)
• Melhorament de la recèrca d'adreças per numèro d'ostal (Viktor Govako)
• Correccion d'una error sistèma al moment de la planificacion d'itineraris a proximitat de certanas frontièras regionalas (Viktor Govako)
• Correccion dels resultats de recèrca quand los noms de vila e d'estat son identics (Viktor Govako)
• Apond de sinonims de carrièras estatsunidencas : highway, hwy, freeway, e fwy (Viktor Govako)
• Correccion del desalinhament del reticul de l'editor al moment de quichar « Apondre un luòc » (José Araújo)
• Correccion de l'afichatge dels oraris de dobertura pels luòcs amb decalatges al levar/colcar del solelh (Alexander Borsuk)
• Correccion de l'enregistrament de traça GPS que perdia de punts entre los segments (Alexander Borsuk)
• Correccion de la gestion de l'ora d'estiu pels fuses oraris (Andrei Shkrob)
• Correccion de las colors de las linhas de mètro de Sydney (Alexander Borsuk)
• Correccion de l'importacion GeoJSON (Alexander Borsuk)
• Melhorament de l'estabilitat e de las performàncias (Alexander Borsuk, Viktor Govako)
• Traduccions mesas a jorn (Alexander Borsuk, Viktor Govako, contributors Weblate)

iOS

Avís als proprietaris d'iPhone e d'iPad mai ancians : a causa de cambiaments recents dins TestFlight e l'App Store, aquesta version pren en carga sonque iOS 15 e las versions ulterioras. iOS 12, 13 e 14 son pas mai preses en carga. Las versions precedentament installadas d'Organic Maps contunharàn de foncionar suls aparelhs mai ancians, mas las novèlas mapas, foncionalitats e correccions arribaràn ara sonque sus iOS 15 e mai naut.

• NOVÈL ! Cambiatz totas las colors de las marcas e traças d'una categoria d'un sol còp (Kiryl Kaveryn)
• Melhorament de l'afichatge del contengut HTML amb de taulas e d'imatges dins los detalhs de las marcas (Alexander Borsuk, Kiryl Kaveryn)
• Apond de separadors verticals per las traças multisegment dins lo perfil d'altitud (Kiryl Kaveryn)
• Correccion de la seleccion de punts dins lo perfil d'altitud pels punts interpolats (Kiryl Kaveryn)
• Melhorament dels gèstes modals : fixacion a l'etapa la mai pròcha, tampadura en fasent lisar dempuèi lo bòrd, e restauracion de l'estat precedent a la reobertura (Kiryl Kaveryn)
• Podètz ara aviar un itinerari valid quitament quand vos convida de telecargar de mapas suplementàrias (Kiryl Kaveryn)
• Augmentacion de la zòna tactila dels botons dins la barra de navigacion « Apondre un luòc » (Noahdyn)
• Correccion d'un plantatge al moment de l'exportacion de traças (Alexander Borsuk, Kiryl Kaveryn)
• Correccion de la recèrca dins la lista de las marcas/traças al moment de quichar dempuèi los detalhs del luòc (Kiryl Kaveryn)

Android

• NOVÈL ! Cambiatz totas las colors de las marcas e traças d'una categoria d'un sol còp (Mikhail Listratsenka)
• NOVÈL ! Mòde d'aparéncia programada dins los Paramètres per una comutacion automatica del tèma clar/escur en foncion del levar e del colcar del solelh (Dzmitry Strekha)
• Apond l'istoric de las categorias recentament utilizadas dins l'editor de mapas (Mikhail Listratsenka)
• Apond una icòna de tram pels arrèsts de tram seleccionats sus la mapa (Mikhail Listratsenka)
• Amaga lo boton de telecargament quand totas las mapas son ja telecargadas (Mikhail Listratsenka)
• Correccion de l'enviament de las modificacions de mapa a OpenStreetMap (Viktor Govako)
• Correccion del partatge de fichièrs cap a Google Drive e d'autras aplicacions (Alexander Borsuk)
• Correccion de la reïmportacion de las marcas al moment de la reubertura de l'aplicacion dempuèi las aplicacions recentas (Alexander Borsuk)
• Dobrir d'URL de recèrca OpenStreetMap coma openstreetmap.org/search?query=Pizza avia ara la recèrca dins Organic Maps (Rawdyrathaur)
• Correccion de mantun plantatge (Alexander Borsuk)

Ordenador de burèu (Linux e Mac OS)

• Apond la possibilitat de seleccionar una traça guida pel calcul d'itinerari (Viktor Govako)
• Correccion de l'enregistrament o de l'exportacion de marcas/traças que produsiá de fichièrs corromputs dins certanas lengas a causa de separadors decimals dependents de la locala (Alexander Borsuk)

Rejonhètz las pròvas bèta per ensajar las foncionalitats en avança e senhalar los problèmas :

• iOS
• Android

Amb amor e suènh ❤️ L'equipa Organic Maps