Cossí crear una rota e començar la navigacion
Un còp que ta posicion es determinada sus la mapa, causís ta destinacion. Pòdes utilizar una de las manièras seguentas:
- pica sul boton de recèrca
- pica sul boton dels marcapaginas
- pica sus un endrech quin que siá de la mapa
Un còp qu'as causit lo punt de destinacion, quicha sul boton « Itinerari cap a » en bas. L'itinerari serà creat e veiràs la distància e lo temps de viatge estimat. Pòdes cambiar lo tipe d'itinerari en quichant sus l'icòna Auto, Peon, Mètro, Bicicleta o Regle en naut de l'ecran. Per començar de seguir l'itinerari, quicha sul boton « Començar ». Quicha sul signe de la flècha dins lo canton inferior drech de l'ecran e quicha sus « Arrestar » per acabar l'itinerari.
Pòdes causir un punt de partença diferent (boton « Itinerari dempuèi ») per previsualizar un itinerari, mas la navigacion es solament disponibla dempuèi ta posicion actuala.
Pòdes apondre fins a 100 punts intermediaris a un itinerari. Per apondre un punt intermediari, crèa un itinerari entre lo punt de partença e la destinacion, puèi pica un punt sus la mapa (o selecciona-lo dempuèi los favorits/en utilizant la recèrca) e pica « Apondre una estapa ».
Pòdes cambiar los paramètres de l'itinerari en veitura e seleccionar los tipes de rotas que vòles evitar (peatges, rotas non asfaltadas, autorotas, transbordadors). Dobrís los paramètres de l'aplicacion → Opcions d'itinerari → Activa las opcions necessàrias. Las opcions d'evitament s'afichan tanben quand l'itinerari es calculat se cambiar una de las opcions poiriá modificar l'itinerari.