Cossí crear una rota e començar la navigacion
Un còp que vòstra posicion es determinada sus la mapa, causissètz vòstra destinacion. Podètz utilizar una de las manièras seguentas:
- picatz sul boton de recèrca
- picatz sul boton dels marcapaginas
- picatz sus un endrech quin que siá de la mapa
Un còp qu'avètz causit lo punt de destinacion, quichatz sul boton « Itinerari cap a » en bas. L'itinerari serà creat e veiretz la distància e lo temps de viatge estimat. Podètz cambiar lo tipe d'itinerari en quichant sus l'icòna Auto, Peon, Mètro, Bicicleta o Regle en naut de l'ecran. Per començar de seguir l'itinerari, quichatz sul boton « Començar ». Quichatz sul signe de la flècha dins lo canton inferior drech de l'ecran e quichatz sus « Arrestar » per acabar l'itinerari.
Podètz causir un punt de partença diferent (boton « Itinerari dempuèi ») per previsualizar un itinerari, mas la navigacion es solament disponibla dempuèi vòstra posicion actuala.
Podètz apondre fins a 100 punts intermediaris a un itinerari. Per apondre un punt intermediari, creatz un itinerari entre lo punt de partença e la destinacion, puèi picatz un punt sus la mapa (o seleccionatz-lo dempuèi los favorits/en utilizant la recèrca) e picatz « Apondre una estapa ».
Podètz cambiar los paramètres de l'itinerari en veitura e seleccionar los tipes de rotas que volètz evitar (peatges, rotas non asfaltadas, autorotas, transbordadors). Dobrissètz los paramètres de l'aplicacion → Opcions d'itinerari → Activatz las opcions necessàrias. Las opcions d'evitament s'afichan tanben quand l'itinerari es calculat se cambiar una de las opcions poiriá modificar l'itinerari.